Një aksident ka ndodhur në rrugën e Arbrit në Bulqizë me pasojë plagosjen e një personi.
Një makinë tip “Audi” me targa AB051 ID ka dalë nga rruga.
Ngjarja ka ndodhur para pak minutash ne aksin rrugor Bulqizë-Fushë Bulqizë në vendin e quajtur “Ura e Re”.
Aksidenti është pikasur nga drejtuesit e automjeteve të cilët kanë njoftuar ambulancën dhe policinë të cilët kam mbërritur menjëherë në vendngjarje.
I aksidentuari është dërguar drejt spitalit të Bulqizës për ndihmën e parë ku dhe pritet të dërgohet drejt spitalit të Traumës në Tiranë, pasi ka marrë plagë të rënda.
I aksidentuari është nisur me ambulancë drejt Traumës, pasi helikopteri e ka patur të pamundur të shkojë për shkak të motit të keq.
Ndërkohë policia ka nisur hetimet rreth shkaqeve të këtij aksidenti, sipas policisë lokale të Bulqizës mendohet se shkak i aksidentit ka është shpejtësia e madhe si dhe lagështira në rrugë.
Bulqizë/Informacion paraprak
Rreth orës 16:10 në aksin rrugor Fushë Bulqizë-Shupenzë, shtetasi R.M., duke drejtuar automjetin tip “Audi”, ka humbur kontrollin mbi drejtimin e mjetit dhe mjeti ka dalë nga rruga. Si pasojë ka mbetur i lënduar drejtuesi i mjetit i cili është dërguar për ndihmë mjekësore në spital. Në vendngjarje ndodhet grupi hetimor, i cili po punon zbardhjen e rrethanave të aksidentit.
Top Channel
