Shqip pro marrëveshjes/ I vetmi serb në qeverinë e Kosovës vlerëson planin franko-gjerman
03/03/2023 19:56
Përfaqësuesi i vetëm i serbëve në institucionet e Kosovës, ministri Nenad Rashiq e ka vlerësuar planin bazë të normalizimit si marrëveshje të mirë, për tejkalimin e konflikteve.
Megjithatë ai shton se mospërfshirja e serbëve në proces do të shkaktojë probleme në zbatimin e tij.
Rashiq nuk ka një ide se çfarë statusi mund të marrë Kisha Ortodokse Serbe me këtë plan, por thotë që për Asociacionin, më e rëndësishme është statusi që do ketë se emri.
Ministri për Komunitete dhe Kthim në Qeverinë e Kosovës, beson se me nënshkrimin e planit të zbatimit të Marrëveshjes për Normalizimin e Marrëdhënieve edhe zgjedhjet e prillit do të mund të mbaheshin në pjesën veriore të Kosovës, pa presion e incidente.
Top Channel