VIDEO/ U bë “mollë sherri” për Icardin dhe Wanda Nara, aktorja e njohur argjentinase kapet “mat” me pilotin 11 vite më të ri
18/11 17:03
Ylli i Ted Lasso, Hannah Waddingham, do të jetë prezantuese e Festivalit të Këngës në Eurovizion të këtij viti, së bashku me Alesha Dixon dhe këngëtaren ukrainase Julia Sanina.
Treshja prezantuese do të përballet me dy gjysmëfinalet më 9 dhe 11 maj, me Graham Norton që do t’i bashkohet për finalen e madhe të shtunën, 13 maj.
Më shumë se 160 milionë pritet ta ndjekin konkursin në mbarë botën.
Mbretëria e Bashkuar po pret në emër të fituesit të vitit 2022, Ukrainën, e cila nuk mund të organizojë ngjarjen për shkak të pushtimit të vazhdueshëm të Rusisë.
“Është një nga festivalet më të mëdha të muzikës në botë”, tha aktorja e Game of Thrones dhe Sex Education, dhe shtoi se ishte një privilegj i madh për të.
“Por këtë vit, ndoshta më shumë se kurrë, është një nder i madh të qëndrosh krah për krah me Ukrainën, një vend që e ka mbajtur veten me kaq forcë dhe unitet”, u shpreh ajo.
Gjyqtarja dhe këngëtarja e Britain’s Got Talent, Alesha Dixon, tha: “Eurovizioni jep emocion, kreativitet dhe talent, por në një shkallë të gjerë, globale”.
Ajo i bashkohet Waddingham, një aktore e West End dhe Broadway, dhe Julia Sanina, drejtuese e grupit alternativ ukrainas The HARDKISS.
“Jam shumë e emocionuar të tregoj kulturën dhe krijimtarinë ukrainase dhe të ndihmoj të organizohet një shfaqje për ta bërë vendin tim krenar,” tha Sanina.
Komentatori i vjetër i Eurovizionit, Graham Norton, do t’i bashkohet për finalen e madhe.
“Çdo vit që jam i përfshirë është një nder i madh. Ky vit është edhe më i veçantë dhe unë personalisht ndjej një përgjegjësi të madhe për t’i bërë krenarë kolegët tanë ukrainas”, tha ai.
Ashtu si të gjitha ngjarjet kryesore ndërkombëtare, Eurovizioni ka një kosto të konsiderueshme dhe fatura ndahet. Qeveria lokale në Liverpool është zotuar për 4 milionë funte për atraksionet rreth konkursit të majit. Qeveria e Mbretërisë së Bashkuar thotë gjithashtu se do të kontribuojë financiarisht, megjithëse nuk ka thënë se sa. Pjesa më e madhe e kostos do t’i bie BBC-së si transmetues pritës.
Në javët në vijim priten informacione të mëtejshme rreth biletave për në Eurovizion, me fansat në gjendje t’i blejnë ato për nëntë shfaqje (përfshirë provat).
Top Channel
