Ambasadori ukrainas, Volodymyr Shkurov gjatë një vizite në Korçë tha se ndodhen në një situatë të ndërlikuar.
Në lidhje me njohjen e Kosovës nga Ukraina, ai u shpreh se do të jetë hapi i dytë pasi të dalin nga lufta.
-Pas pak ditësh është 1 vjetori i luftës dhe jemi duke u përgatitur për përvjetorin. Nga ana tjetër ju e dini qe është propozuar nga presidenti Zelensky edhe formula e paqes me 10 pika kryesore por nga ana tjetër janë edhe divizionet, batalionet që janë duke u përgatitur për të sulmuar. Një situatë shumë e ndërlikuar është aktualisht. Nëse flasim edhe për gjysmën e Ukrainës zona që kanë qenë të okupuara nga rusët tani janë të çliruara. Tani na ngelet edhe një pjesë tjetër për t’u çliruar. Zona e frontit është 1500 km aktualisht, nëse marrim një zonë në tërësi të frontit janë mbi 3000 km është një linjë shumë e gjerë por ne jemi gati të rikthejmë edhe territoret e tjera të Ukrainës.”
Si e vlerësoni rolin e Shqipërisë?
-E kam nënvizuar rolin e ndihmës që ne kemi marrë nga Shqipëria. Na ka mbështetur në shuma aspekte si në nivele bilaterale, si në ato ndërkombëtare edhe si pjesëmarrja e OKB por gjithashtu kam vlerësuar edhe ndihmën nga populli shqiptar i cili na ka mbështetur.
Pavarësia e Kosovës, Ukraina alternativë për njohjen?
– E dimë këtë situatë por Ukraina sot ndodhet në zjarrin e luftës dhe pasi të dalim nga kjo luftë mund t’iu rikthehemi temave të tjera. Sot për sot gjëja më e rëndësishme për kë është të fitojmë luftën dhe të dalim nga ky tmerr, Kosova do të jetë hapi i dytë.
Top Channel
