FOTO/ Heidi konfirmon ndarjen nga Romeo? Veprimi i fundit i ish-banores së Big Brother VIP ngre dyshime në rrjet
04/11 21:41
Një nga reperët kryesorë të Afrikës së Jugut, i njohur gjerësisht si AKA, është qëlluar për vdekje jashtë një restoranti në qytetin bregdetar të Durban.
Kiernan Forbes u vra së bashku me mikun e tij të ngushtë, sipërmarrësin Tebello ‘Tibz’ Motsoane.
Dyshja mendohet se kanë qenë rrugës për në një klub nate për një performancë si pjesë e festimeve të ditëlindjes së Forbes kur u qëlluan.
Motivi i vrasjes nuk dihet ende.
Reperi dhe shoku i tij po shkonin drejt makinës së tyre kur u afruan dy persona të armatosur, të cilët i qëlluan nga një distancë e afërt.
Më pas, sulmuesit janë larguar nga vendi i ngjarjes.
Forbes filloi karrierën e tij muzikore si pjesë e grupit rap Entity përpara se të niste karrierën e tij solo, duke fituar disa çmime në Afrikën e Jugut për muzikën e tij.
Ai u lavdërua gjithashtu ndërkombëtarisht, me disa nominime për një Çmimin Black Entertainment Television (BET) në SHBA dhe një MTV Europe Music Award.
Disa orë para vdekjes së tij, 35-vjeçari postoi në rrjetet sociale për albumin e tij të ardhshëm, Mass Country, i cili do të publikohet në fund të këtij muaji.
Top Channel
