Armëpushimi në Liban, Houthi vijon kërcënimet ndaj Izraelit: Sulmet do të vazhdojnë! 28/11 17:35
Parashikimet e një dite më parë, që jepnin alarmin e kuq përgjatë ditës së sotme për pothuajse të gjithë Sicilinë, u bënë realitet.
Ishulli Italian është në darën e motit të keq, me stuhi të dhunshme, det të trazuar e madje deri dhe një uragan të mirëfilltë mesdhetar. Shkollat janë mbyllur në pjesë të ndryshme të ishullit, veçanërisht në provincën e Katanias dhe Sirakuzës.
Në Katania, ku reshjet e shiu nuk kanë të ndalur, ekipet e emergjencës bënë 44 ndërhyrje për dëme të shkaktuara nga përmbytjet, për pemë e shtylla të pasigurta, ndërsa u përfshinë edhe në shpëtimin e katër personave të bllokuar në një makinë.
Gjatë natës, erërat e forta bllokuan funksionimin normal të aeroportit ndërkombëtar Vincenzo Bellini duke detyruar devijimin e disa fluturimeve, dhe vonesa të mëdha në disa të tjera.
Mbi 200 ndërhyrje të punonjësve të mbrojtjes civile u shënuan në total atje, në Raguzë e në Sirakuza, ku janë shpëtuar rreth 20 persona të cilët ishin izoluar për shkak të një vërshimi të beftë të ujërave. Shkaku i kësaj situate konsiderohet një ciklon i mbërritur nga Tunizia me një “bërthamë të ngrohtë” , që do të thotë me temperaturë më të lartë në qendër të vorbullës sesa në pjesët e jashtme të saj.
Përplasja e frontit të acartë rus me të ngrohtin tunizian në një det ende relativisht të ngrohtë, sipas ekspertëve favorizon dhunën e një cikloni me tipare tropikale, ndaj dhe meteorologët italiane parashikojnë një rrezik dallgësh deri në 6 metra të larta në brigjet e ishullit qe lagen nga ujerat e detit Jon.
Top Channel
