Doktorët tregojnë testin e thjeshtë për të parë nëse je ‘i dehidratuar’ (fotot)
26/11 16:34
Aktorja amerikane Danielle Deadwyler ka pohuar se industria e filmit është “e ndikuar thellësisht nga racizmi”, pasi asnjë grua me ngjyrë nuk u nominua për aktoren më të mirë në Oscar të këtij viti.
Deadwyler pritej të njihej për performancën e saj në dramën Till.
Në filmin Till, aktorja luan nënën e Emmett Till, një djali 14-vjeçar me ngjyrë, i cili u linçua në Misisipi në vitin 1955, pasi u akuzua për fishkëllimë ndaj një gruaje të bardhë.
Duke folur për BBC Radio 4, Deadwyler tha: “Historia kinematografike është mbi 100 vjet e vjetër. Unë do të guxoja të them se sistemi është thellësisht i ndikuar nga racizmi sistematik që ka formësuar vendin tonë. Racizmi ndikon në jetën tonë – nga sistemi arsimor në industrinë e filmit për gjithçka, çdo pjesë të jetës së përditshme amerikane”, tha ajo.
Deadwyler u vlerësua gjerësisht për performancën e saj në filmin Till dhe u konsiderua si një nga favoritet për t’u nominuar në kategorinë e aktores kryesore në Academy Awards të këtij viti.
Pasi ajo u shpërfill kur u shpallën nominimet në janar, shkrimtari dhe regjisori i Till Chinonye Chukwu akuzoi Hollywood -in për “paturpësi ndaj grave me ngjyrë”.
I pyetur nëse Oscars apo shoqëria më gjerë duhet të ndryshojë, Deadwyler u përgjigj: “Është nga të dy anët… Duhet të vijë nga çdo kënd.”
Akademia ka rritur numrin e votuesve femra, me ngjyrë dhe të minoriteteve etnike që nga protesta e #OscarsSoWhite në 2015.
Top Channel
