Modelja e diagnostikuar si ‘sociopate’ këshillon ndjekësit në rrjet si të dallojnë personat si ajo (fotot)
04/11 17:01
Beyoncé fitoi një çmim rekord të 32-të Grammy, ndërsa Harry Styles fitoi albumin e vitit, në ceremoninë e këtij viti në Los Angeles.
Beyoncé bëri histori pasi fitoi albumin më të mirë të kërcimit/elektronikut për opusin e saj euforik të kërcimit, Renaissance.
Duke bërë këtë, ajo kapërceu dirigjentin hungaro-britanik George Solti, rekordi i të cilit ishte 31 Grammy dhe kishte qëndruar për më shumë se 20 vjet në krye.
“Po mundohem të mos jem shumë emocionale”, tha ylli duke pranuar çmimin e saj.
Ajo vazhdoi të falënderojë familjen e saj, përfshirë xhaxhain e saj të ndjerë Jonny, i cili ndihmoi në krijimin e veshjeve të saj në skenë përpara se ajo të bëhej e famshme.
Në përgjithësi, Beyoncé fitoi katër çmime në ceremoni.
Pavarësisht suksesit të saj, Beyonce nuk mundi ta fitojë çmimin e albumit të vitit. Ajo e ka humbur çmimin katër herë, ku kryesisht në vitin 2017 kur kryevepra e saj “Limonade” u mposht nga 25-at e Adelës.
Në atë kohë, Adele në fjalimin e saj tha se Beyoncé e meritonte.
Këtë vit, Harry Styles mori kurorën, me votuesit e Grammy-t që njohën muzikën e shkëlqyeshme të e albumit të tij të tretë Harry’s House.
Në fjalën e tij, ylli britanik minimizoi rëndësinë e çmimit.
“Unë nuk mendoj se asnjë prej nesh ulet në studio, duke marrë vendime bazuar në atë që do të na sjellë një nga këto”, u shpreh Harry.
Megjithatë, ai u prek dukshëm nga nderimi, duke shtuar: “Kjo nuk u ndodh shumë shpesh njerëzve si unë, dhe kjo është kaq, kaq e bukur”.
Më herët gjatë natës, ylli gjithashtu fitoi albumin më të mirë pop – duke marrë çmimin e tij me një puthje nga Jennifer Lopez.
“Ky album nga fillimi në fund ka qenë përvoja më e madhe e jetës sime”, tha ai.
Top Channel
