Cigare dhe fishekzjarre kontrabandë/ Arrestohet pronari i një dyqani në Durrës, në kërkim një tjetër
03/02/2023 11:18
Top Channel/ “Fotoja e Erisa Xhixhos në çdo kat”, Meta: Që 17 vjeçe ka kontribuar në LSI
Dy dyqane në qytetin e Durrësit shisnin cigare, fishekzjarre dhe produkte të tjera kontrabandë.
Në pranga ka rënë pronari i njërit dyqan, ndërsa tjetri është shpallur në kërkim.
“U arrestua në flagrancë shtetasi E. Xh., 44 vjeç, banues në Durrës, pasi gjatë kontrollit në dyqanin e tij, u gjetën dhe u sekuestruan dhjetëra steka me cigare të dyshuara të kontrabanduara;
U referuan materialet në Prokurori dhe nisi procedimi në gjendje të lirë për shtetasin E. S., 35 vjeç, banues në Durrës, pasi gjatë kontrollit në dyqanin e tij, u gjetën dhe u sekuestruan paketa me cigare, pako me fishekzjarre, cigare elektronike dhe parfume, mallra këto të dyshuara të kontrabanduara”, njofton policia.
Materialet procedurale i kaluan Prokurorisë pranë Gjykatës së Shkallës së Parë Durrës, për veprat penale “Kontrabanda për mallra për të cilat paguhet akcizë”, “Tregtimi dhe transportimi i mallrave që janë kontrabandë” dhe “Ruajtja ose depozitimi i mallrave kontrabandë”.
Top Channel
