“Në Kuadër të Dashurisë” tani në kanalin e Youtube në Top Channel, mos e humbisni! 25/12 21:00
Michael Jackson waves to photographers during a 1996 press conference in Paris. The first posthumous album by the King of Pop, who died in 2009, has been trailed by controversy since its 2010 release
Regjisori Antoine Fuqua do të paraqesë jetën e legjendës së muzikës pop Michael Jackson në projektin e tij të ardhshëm filmik.
‘The Hollywood Reporter’ konfirmoi se Fuqua dhe Lionsgate po bashkohen për të prodhuar një film biografik të titulluar “Michael”. Së fundmi është zbuluar se nipi i Michael, Jaafar Jackson, do të luajë rolin e legjendës së muzikës pop në filmin e ardhshëm. I emocionuar, Jaafar tha:
“Jam i përulur dhe i nderuar që sjell në jetë historinë e xhaxhait tim Michael. Për të gjithë fansat në të gjithë botën, do të shihemi së shpejti”.
Një këngëtar dhe kompozitor, i riu Jackson ka thënë se babai i tij, Jermaine ish-anëtar i Jackson 5, zbuloi dhe inkurajoi anën e tij muzikore. Disa fansa kanë vënë re ngjashmërinë e 26-vjeçarit me këngëtarin e njohur. Filmi është vetëm një nga shumë prodhime rreth këngëtarit legjendar por kontrovers të pop-it, i cili ndërroi jetë në vitin 2009.
Filmi biografik do të ‘gërmojë’ në akuzat për sulme seksuale me të cilat Michael Jackson është përballur vazhdimisht. Një njoftim për shtyp i vitit 2022 nga Lionsgate tha se filmi do të ofronte një portret të thellë të njeriut të ndërlikuar dhe një pasqyrë për jetën e tij personale. Dokumentari i vitit 2019 “Leaving Neverland”, i cili tregoi historinë e dy burrave që thanë se ishin ngacmuar nga Jackson në fund të viteve ’80 dhe në fillim të viteve ’90, tërhoqi jo pak vëmendjen ndaj pretendimeve.
Top Channel
