Një 35-vjeçar është vënë në pranga, pasi tentoi të kalonte në kufirin e Portit të Durrësit 33 mijë euro të padeklaruara.
Pas kontrollit të kryer shtetasit me iniciale S. C., banues në Kavajë, iu gjetën paratë e fshehura në trup.
Në pranga u vu edhe 36-vjeçari me iniciale Xh. I., pasi iu gjetën lëndë narkotike kokainë në automjetin që drejtonte. Ato ishin të ndara në doza, gati për shitje.
Policia e Durrësit arrestoi tre persona të tjerë të shpallur në kërkim, pasi Gjykata ka dhënë masën arrest me burg për vjedhje dhe prerje e paligjshme e pyjeve.
-Sh. R. 23 vjeç dhe R. H. 25 vjeç, banues në Cërrik dhe Durrës, Gjykata e Shkallës së Parë Durrës iu ka caktuar masën e sigurisë “Arrest në burg”, për veprën penale “Vjedhja”. Ata kanë kryer veprën kriminale në një hotel më 31.12.2022.
-43-vjeçari Gj. B., 43 vjeç, banues në Ishëm, Durrës, pasi Gjykata e Shkallës së Parë Durrës i ka caktuar masën e sigurisë “Arrest në burg”, për veprën penale “Prerja e paligjshme e pyjeve”.
Njoftimi policisë:
DVP Durrës/ -Tentoi të fuste një shumë eurosh, pa i deklaruar në PKK Port Durrës, vihet në pranga 35-vjeçari nga Kavaja. Sekuestrohen 33 000 euro, dyshohet se ishin fituar nga aktivitet kriminal.
-Goditet një rast i tentativës për shpërndarje të lëndëve narkotike në doza, vihet në pranga një 36-vjeçar. Sekuestrohen sasi dozash me kokainë, gati për shitje.
-Kapen dhe vihen në pranga 3 shtetas të shpallur në kërkim.
1. Specialistët për Hetimin e Krimeve Ekonomiko-Financiare të DVP Durrës arrestuan në flagrancë shtetasin S. C., 35 vjeç, banues në Kavajë, pasi gjatë kontrollit të ushtruar nga shërbimet e Policisë të PKK Port Durrës, në hyrje të RSH, këtij shtetasi iu gjetën të fshehura në trup, 33.000 euro, të padeklaruara. Arerstimi i tij u bë për veprat penale “Mosdeklarimi i të hollave dhe sendeve me vlerë në kufi”, “Fshehja e të ardhurave” dhe “Pastrimi i produkteve të veprës penale ose veprimtarive kriminale”.
2. Specialistët për Hetimin e Narkotikëve të DVP Durrës, bazuar në inteligjencën informative për një shtetas që ushtronte veprimtarinë e shpërndarjes së lëndëve narkotike në doza, organizuan punën dhe falë kontrolleve, në lagjen nr.18, Durrës, bllokuan një automjet me të cilin dyshohej se qarkullonte personi që shpërndante lëndën narkotike.
Gjatë kontrollit në automjetin që drejtohej nga shtetasi Xh. I., shërbimet e Policisë gjetën dhe sekuestruan një sasi dozash me kokainë, gati për shitje. Në vijim të veprimeve u arrestua në flagrancë shtetasi Xh. I., 36 vjeç, banues në Durrës, pasi gjatë kontrollit të ushtruar nga shërbimet e Policisë, në bagazhin e automjetit të tij, u gjet dhe u sekuestrua një sasi lënde e dyshuar narkotike kokainë.
3. Në vijim të punës për kapjen e personave në kërkim, si rezultat i kontrolleve të shtuara, bazuar dhe në inteligjencën informative, specialistët për Hetimin e Krimeve të Komisariatit të Policisë Durrës kapën dhe ndaluan shtetasit në kërkim:
Sh. R., 23 vjeç dhe R. H., 25 vjeç, banues në Cërrik dhe në Durrës, të cilëve Gjykata e Shkallës së Parë Durrës iu ka caktuar masën e sigurisë “Arrest në burg”, për veprën penale “Vjedhja”, pasi në datën 31.12.2022, kanë vjedhur në një hotel;
Gj. B., 43 vjeç, banues në Ishëm, Durrës, pasi Gjykata e Shkallës së Parë Durrës i ka caktuar masën e sigurisë “Arrest në burg”, për veprën penale “Prerja e paligjshme e pyjeve”.
Materialet i kaluan Prokurorisë, për veprime të mëtejshme.
Top Channel
