I dërguari i Shteteve të Bashkuara, Amos Hochstein, ka mbërritur në Bejrut të martën për bisedime me zyrtarët vendës rreth një armëpushimi mes Hezbollahut dhe Izraelit, raportoi agjencia shtetërore e lajmeve e Libanit. 19/11 09:12
Ministri i Jashtëm i Turqisë, Mevlut Cavusoglu, tha se është “e pakuptimtë” të mbahet një takim trelateral me Suedinë dhe Finlandën, për të diskutuar për aplikimet e këtyre dy shteteve në NATO. Sipas kryediplomatit turk, kjo vjen pasi gjatë këtij muaji pati protesta në Stokholm.
Duke folur në një konferencë për media më 26 janar, Cavusoglu po ashtu tha se nuk ka vullnet për të vlerësuar ndaras aplikimet për NATO të Suedisë dhe Finlandës.
Kryeministri i Suedisë, Ulf Kristersson, tha se shteti i tij dëshiron të rinisë dialogun për NATO-n me Turqinë.
Turqia së fundmi ka shtyrë në kohë të pacaktuar bisedimet trepalëshe me Suedinë dhe Finlandën.
Shtyrja erdhi pasi në Stokholm u mbajt një protestë ku u dogj Kurani, libri i shenjtë i myslimanëve.
Suedia dhe Finlanda vendosën vitin e kaluar që t’i bashkoheshin NATO-s, pasi Rusia nisi pushtimin e paprovokuar të Ukrainës. Por, Turqia vendosi një sërë kushtesh për Stokholmin dhe Helsinkin.
Që një shtet të bëhet anëtare e NATO-s duhet që të 30 shtetet anëtare të ratifikojnë aplikimin në parlamentet e tyre nacionale./Rel
Top Channel
