Aktori i njohur blen kinemanë që frekuentonte kur ishte fëmijë? 23/11 19:56
Çdo ditë në rrjetet e saj sociale aktorja Emily Atack ballafaqohet me foto ku meshkujt i dërgojnë organin e tyre gjenital, bashkë me përshkrime të ndryshme. Ajo shprehet:
Një burrë ka gjetur një mënyrë për të postuar video në rrjetin tim social Twitter ku ai masturbohet.
Por ka edhe postime më të këqija, ku një burrë e ka kërcënuar me vrasje.
“Ai shkroi në Twitterin tim se do më priste me thikë, do më pinte gjakun dhe më pas do më përdhunonte”, tha ajo.
33-vjeçarja, e cila është beqare dhe jeton në Londër pohon se ndihet e kërcënuar.
“Kur jam në shtrat natën dhe dëgjoj ndonjë zë, tmerrohem. Ndihem fizikisht e kërcënuar”, tregon aktorja.
Pasi bota ‘ndali’ për shkak të pandemisë, aktorja u përball me një ‘lumë’ mesazhesh të tilla.
“Më bëri të ndihem dhjetë herë më e izoluar, e pambrojtur dhe e vetmuar. Papritmas po shikoja përreth meje, duke menduar: ‘Nuk kam njeri që të më mbrojë këtu. Madje, nuk kam askënd për të qeshur.’ Më erdhi shumë keq për këtë. Ndjehesha e vetmuar, e neveritshme, e turpëruar, e dhunuar. Ndihet si sulm seksual dhe mua më duket sikur po sulmohem seksualisht qindra herë në ditë”, shprehet ajo.
Top Channel
