Tripletë “në shkretëtirë”, Egnatia rrëmben Superkupën ndaj Kukësit në një stadium… bosh 26/12 20:57
Memphis Depay edhe më pranë “divorcit” me Barcelonën. Sulmuesi holandez nuk u paraqit në seancën e së mërkurës, duke e habitur stafin teknik.
Zemërimi i Xavi Hernándezit ishte i dukshëm, megjithëse ai u përpoq ta fshihte, duke siguruar në një konferencë shtypi se duhej të fliste me lojtarin për të zgjidhur situatën. Në çdo rast, sulmuesi holandez do të ndëshkohet për sjelljen e tij.
Ajo që duket e qartë është se e ardhmja e Memphis Depay është çdo ditë më larg nga klubi “Blaugrana”. Sulmuesi holandez mund të detyrojë largimin e tij drejt Atléticos së Madridit dhe hapin e parë e ka bërë këtë pasdite, duke mos marrë pjesë në seancën para ndeshjes së Kupës kundër Ceutas.
Megjithatë, Memphis ka zgjedhur rrugën më të keqe. Si fillim, drejtuesit e Barcelonës e kanë bërë shumë të qartë se sulmuesi holandez do të largohet vetëm në rast të një situate të favorshme, qoftë me kompensim financiar, flitet nga 5 deri në 7 milionë euro, qoftë duke u shkëmbyer me sulmuesin belg, Yannick Carrasco.
Në çdo rast, hapi që ka hedhur Memphis është më i rrezikshmi. Me veprime të tilla ai tregon mungesën e profesionalizmit dhe zero përkushtimin ndaj klubit./ Super Sport
Top Channel
