Kërkime në lumë dhe nga ajri, asnjë gjurmë nga fati i 26-vjeçarit në Fier
17/01/2023 12:04
U dëmtua gjatë punës nga një makineri, ndërron jetë 50-vjeçari në Durrës 25/11 14:13
Vazhdon të mbetet mister fati i 26-vjeçarit Mateo Lika, i cili dy ditë më parë dyshohet se me një automjet të marrë me qira ka rënë në ujërat e lumit Seman në vendin e quajtur “Ura e Mbrostarit”.
Nuk ka ende asnjë të dhënë nëse automjeti është në ujërat e lumit apo pas përplasjes me parmakët e urës është larguar.
Këto janë dy pistat ku po hetojnë blutë e Fierit, ndërsa kontrollet vazhdojnë në lumin Seman ashtu edhe në zonat përreth, me shpresën për të gjetur automjetin.
Për të tretën ditë, polumbarët e repartit special Renea po kërkojnë në rrjedhën e lumit, duke përdorur metodën me zinxhirë dhe nga ajri me drone.
Pavarësisht kërkimeve, nuk ka asnjë gjurmë nga makina, ndërsa telefoni i 26-vjeçarit vijon të jetë i fikur.
Top Channel
