“Shpërthejnë” protestat kundër kandidatit pro-rus për president të Rumanisë 27/11 08:19
Greta Thunberg është arrestuar nga policia gjatë një proteste në Gjermani.
Aktivistja mjedisore 20- vjeçare ka marrë pjesë në protesta kundër prishjes së fshatit Luetzerath, i cili po pastrohet për t’i hapur rrugë zgjerimit të një miniere qymyri.
Fshati i vogël, i cili është në pronësi të firmës së shërbimeve RWE dhe është braktisur, është bërë vija e parë për debatin e Gjermanisë për klimën.
Qeveria gjermane ka dhënë dritën jeshile që fshati të prishet për të lejuar zgjerimin e minierës së qymyrit Garzweiler aty pranë .
Ministrat dhe RWE thonë se miniera do të sigurojë energjinë e nevojshme për Gjermaninë në afat të shkurtër.
Qeverisë, e cila është një koalicion trepalësh duke përfshirë partinë e Gjelbër të vendit, i është dashur të përshtatë qëndrimin e saj ndaj përdorimit të qymyrit pas pushtimit rus të Ukrainës .
Vendi në të kaluarën ka qenë shumë i varur nga gazi rus për energjinë e tij, por furnizimet në Evropë janë reduktuar në përgjigje të sanksioneve evropiane .
Megjithatë, qeveria këmbëngul se është ende e përkushtuar për të eliminuar përdorimin e qymyrit.
Aktivistët mjedisorë duan që Gjermania të ndërmarrë veprime të menjëhershme për lëndët djegëse fosile dhe po kundërshtojnë zgjerimin e minierës së qymyrit.
Ata thonë se shkatërrimi i fshatit për t’i hapur rrugë vendit do të rezultonte në sasi të mëdha të emetimeve të gazit serrë nga lëndët djegëse fosile të minuara.
Protestuesit u zhvendosën në shtëpitë e braktisura të ish-banorëve dy vjet më parë.
Grupi LuetziBleibt pretendoi në fillim të këtij muaji se kishte qindra njerëz të grumbulluar në fshat, ndërsa ata janë kundërshtuar nga policia.
Top Channel
