Kandidati prorus prin në zgjedhjet presidenciale në Rumani 25/11 08:36
Kina vazhdon të ulë numrin e vdekjeve nga Covid, por ndan me ne më shumë informacion për epideminë e koronavirusit në vend, tha sot shefja e sektorit teknik të Organizatës Botërore të Shëndetësisë (OBSH) për Covid-19 Maria van Kerkhove.
“Na mungojnë disa informacione shumë të rëndësishme dhe ne po punojmë me Kinën për të plotësuar ato boshllëqe,” shtoi Kerkhove.
Më 8 janar, Kina rihapi kufijtë e saj dhe hoqi karantinën e saj për vizitorët ndërkombëtarë për herë të parë në gati tri vjet, edhe pse vendi përballet me një rritje të rasteve të koronavirusit.
Drejtori i komisionit shëndetësor për provincën qendrore të Henan, Kan Quanchenggu, tha më 8 janar se pothuajse 90 për qind e popullsisë është e infektuar me virusin korona, gjë që bie ndesh me të dhënat e COVID-it të publikuara nga qeveria në Pekin.
Sipas të dhënave nga Pekini, që nga anulimi i politikës zero-covid në Kinë në dhjetor të vitit të kaluar, janë infektuar vetëm 120 mijë persona, ndërsa kanë vdekur 30 persona.
Më 4 janar, zyrtarët e qeverisë së BE-së lëshuan një rekomandim për vendet anëtare që pasagjerët që fluturojnë nga Kina në BE duhet të kenë një test negativ për virusin korona përpara se të hipnin në aeroplan.
Top Channel
