Historia e trishtë, modelja me trupin e djegur merr pjesë në She’s on Top: Kur isha e vogël kam pasur një aksident… 26/05 21:33
Ai që njihet si ‘burri më i gjatë në botë’ ka refuzuar sot pretendimet e një sfiduesi duke insistuar se: “Unë jam ende numri një”.
Sultan Kösen, i cili është 2.5 metra i gjatë tregonte me krenari një çertifikatë në formë prove, pas raportimeve se sfiduesi Sulemana Abdul Samed mund të ishte i gjatë deri në 2.85 m.
29 vjeçari Beanpole Sulemana, shkaktoi zhurmë në të gjithë botën kur doktorët matën gjatësinë e tij në një klinikë rurale në Gana.
Mjekët raportohej se nuk ishin të sigurtë nëse kishin përdorur mjetet e duhura për të kryer matjet.
Nëse raportimet rezultojnë të vërteta atëherë ai do të ishte 36 cm më i gjatë se fermeri famshëm turk, 40 vjeçari Sultan.
Rekordet botërore Guinness kanë njohur deri tani Sultan si njeriun më të gjatë në botë 2.51m e tij, i cili ka gjithashtu duart më të mëdha në botë.
Edhe ky i fundit mbetej i vendosur në mbajtjen e rekordit në fshatin e tij në lindje të Turqisë.
Ai tha për agjencinë vendase Andalou, se nuk do të hiqte dorë nga titulli i tij pa rezistuar.
Sultan tha: “Unë kam këmbët më ë mëdha në botë. Mbaj këpucë të masës 61.
“Kam dhe duart më të mëdha në botë dhe të dhënat e mia janë të regjistruara. Unë jam pjesë e trashëgimisë kulturore botërore.”
Ai shton më tej: “Dëgjoj disa që thonë, ‘rekordi i Sultan ka marrë fund, ka njerëz më të gjatë se ai”.
“Por unë e mbaj rekordin prej 14 vitesh dhe jam i vendosur për ta ruajtur”.
Ndërsa Sulemana, i cili mund të veshë vetëm këpucë të bëra enkas për të, ka një çrregullim rritjeje të quajtur sindroma Marfan dhe është i famshëm në Gana, ku njihet si “gjiganti miqësor”.
Gjendja e tij e detyroi të hiqte dorë nga profesioni i shoferit dhe të kthehej në fshatin e tij Accra.
Në një matje të fundit është regjistruar se gjatësia e tij është më e madhe se ajo e njeriut më të gjatë që ka ekzistuar ndonjëherë, amerikanit gjigant Robert Wadlow i cili ishte 2.72 m kur vdiq në vitin 1940.
Njeriu më i gjatë i Etiopisë, Nagawo Jimaa ka bërë së fundmi një foto me Sulemana – duke shtuar komentin: “Mos u dorëzo kurrë”.
Top Channel
