​Ministri i Brendshëm bullgar: Mbi 160,000 migrantë të paligjshëm nuk u lejuan të hyjnë në Bullgari në vitin 2022

Ai shtoi se derisa në vitin 2015-2016, ku ka pasur shumë më pak tentativa për të hyrë në vend, mbi 20 mijë migrantë kanë kaluar nëpër territorin bullgar. Ndërsa në vitin 2022, i cili ishte një vit gjatë të cilit ka pasur më shumë tentativa për të hyrë në Bullgari, vetëm afro 14 mijë njerëz kanë kaluar përmes Bullgarisë.

Ministri siguroi se në muajt në vijim rezultatet e luftës kundër migracionit të paligjshëm do të vazhdojnë të përmirësohen.

Demerxhiev theksoi se qendra e kontaktit trepalëshe është themeluar në vitin 2016 dhe funksionon në baza 24 orëshe, shtatë ditë në javë. Fushat kryesore të aktivitetit të përbashkët janë siguria kufitare dhe luftimi i migracionit të parregullt.

Ministria e Brendshme bullgare po përgatit një aksion në shkallë të gjerë kundër trafikimit të migrantëve në bashkëpunim me Turqinë, shpjegoi Demerdzhiev, duke folur në Kuvend të enjten. “Trafikantët operojnë kryesisht nga territori turk, fluksi i parave që i shërbejnë këtij aktiviteti të paligjshëm janë të përqendruara atje,” tha Demerdzhiev.

Ai vuri në dukje se gjatë përgatitjes për bastisje ata kishin gjetur edhe prova në lidhje me një rast në të cilin një polic u arrestua duke transportuar migrantë në një furgon. “Më vjen mirë që kolegët e mi, duke parë edhe kartën e tij të shërbimit, nuk hezituan ta vënë në pranga, ta ndalojnë dhe ta vënë para drejtësisë duke e dorëzuar tek organet e prokurorisë. “, tha Demerxhiev.

Duke iu referuar informacionit të kërkuar nga Ministria e Brendshme bullgare nga Ministria e Brendshme ruse në lidhje me gazetarin hulumtues Hristo Grozev, i cili ishte shpallur në kërkim nga Rusia, Demerdzhiev tha se informacioni ende nuk është marrë.

Top Channel