Plagoset me armë gjahu 28-vjeçari në Durrës, detajet e para
03/01/2023 10:50
Kanada, Kryeministri Trudeau dënon protestat e dhunshme në Montreal 24/11 08:18
Foto ilustruese
Një plagosje me armë ka ndodhur mëngjesin e kësaj të marte në Sukth të Durrësit, ku si pasojë ka mbetur i lënduar një 28-vjeçar.
Mësohet se pas një konflikti për motive të dobëta, shtetasi G. H. ka plagosur me çifte, L. P., 28 vjeç, i cili është transportuar në spital dhe ndodhet nën kujdesin e mjekëve.
Gjendja e të plagosurit nuk dihet, ndërsa autori është larguar në drejtim të paditur.
“Durrës/Informacion paraprak; Më datë 03.01.2023, rreth orës 09:40, në vendin e quajtur “Kthesa e Ariut”, Sukth, pas një konflikti për motive të dobëta, shtetasi G. H. ka plagosur me armë gjahu (çifte), shtetasin L. P., 28 vjeç, i cili është transportuar në spital dhe ndodhet nën kujdesin e mjekëve.
Shërbimet e Policisë janë vënë në ndjekje të autorit dhe vijon puna intensive për kapjen e tij. Grupi hetimor, nën drejtimin e Prokurorisë pranë Gjykatës së Rrethit Gjyqësor Durrës, vijon veprimet në vendngjarje, për zbardhjen dhe dokumentimin e plotë ligjore të kësaj ngjarjeje”- njofton policia.
Top Channel
