VIDEO/ Manchester City nuk di të fitojë, “Qytetarët” e Pep Guardiolës marrin humbjen e radhës në kampionat dhe largohen nga zona europiane 21/12 15:40
Pele ishte pjesë e brazilianëve të Santos për 18 sezone radhazi (1956-1974), duke e mbyllur aventurën me ekipin e zemrës me 618 gola të shënuar dhe shumë trofe të fituar.
Klubi me bazë në San Paolo, ka marrë një vendim të përkohshëm, duke tërhequr fanellën me numrin 10 që dikur mbante mbi shpinë një nga më të mëdhenjtë e futbollit botëror.
“Mbreti” ndërroi jetë të enjten në moshën 82-vjeçare. Asnjë lojtar i Santos nuk do të veshë fanellën me numrin 10 mbi supe në vitin 2023, vendim që e zbuloi presidenti Andres Rueda.
“Ne do t’i propozojmë Bordit tërheqjen përfundimtare të fanellës me numrin 10. Kjo kërkon një procedurë burokratike, një mbledhje dhe miratim të Bordit Drejtues të Santos.
Unë kam qenë gjithmonë pro dhe mendoj se është një nderim i madh për Pele, por në të kaluarën kjo ka qenë një çështje që ka ndarë anëtarët. Disa prej tyre mendojnë se nderimi më i mirë për Pele është që të gjithë lojtarët të zbresin në fushë me fanella me numrin 10.
Gjithsesi, asnjë lojtari i ekipit tonë nuk do e veshë këtë numër në vitin 2023”. Për momentin, numrin 10 te Santos e mban venezueliani Yeferson Soteldo, i cili duhet të gjejë një numër tjetër për ndeshjet e ardhshme.
Top Channel
