“Më mirë na shani nga nëna se të thërrisni Serbi”, ish-sulmuesi i Kombëtares mbron Kosovën në mediat rumune: Do dilnin nga fusha dhe po të… 18/11 16:36
Cristiano Ronaldo dhe Jorge Mendes i kanë dhënë fund “epokës” së tyre prej rreth dy dekadash, duke mbyllur njëherë e mirë bashkëpunimin.
Burime për “SuperSport” bëjnë me dije se ylli i Portugalisë dhe super agjenti kanë pasur përplasje që para Botërorit Katar 2022 dhe diçka e tillë ka çuar në “divorcin” mes tyre.
Mendohet se shkak i përplasjes është bërë intervista që sulmuesi ka dhënë për Manchester United dhe mënyra se si CR7 është sjellë me klubin e “Djajve të Kuq”.
Një mik i ngushtë i Mendes ka zbuluar për “SuperSport”, pasi zyrtarisht asnjë prej palëve nuk e ka pranuar ndarjen, se agjenti, që po ashtu ka qenë mik i ngushtë i Ronaldos deri para nisjes së problemeve mes tyre, është shumë i mërzitur që kjo marrëdhënie ka përfunduar.
Super agjenti 56-vjeçar ka përfaqësuar Ronaldon që kur u largua nga Sportingu i Lisbonës për t’iu bashkuar Manchester United në vitin 2003 dhe duhet theksuar se ka qenë shumë i rëndësishëm në rrugëtimin e CR7-ës.
Top Channel
