Pedagogia Caroline Wilkinson nga universiteti i Liverpool-it ka ilustruar portretin “më realist” të Babagjyshit të Vitit të Ri.
Ky është portreti që i përafrohet më së miri portretit të vërtetë të Babagjyshit
Bëhet fjalë për Shën Nikollën, një peshkop që ka jetuar në shekullin e katërt dhe që i pëlqente të shpërndante dhurata fshehurazi. Imazhi i tij është krijuar duke përdorur një sistem rindërtimi të fytyrës dhe teknologji 3D nga Face Lab i Universitetit John Moores të Liverpool. Caroline Wilkinson ka thënë se ajo është bazuar në “të gjithë materialin historik të disponueshëm”.
Shenjtori, i cili vdiq në vitin 343, ishte peshkopi grek i Myra. Qyteti, i njohur tani si Demre, shtrihet në bregdetin jugor të Turqisë. Thuhej se ai kishte lënë dhurata sekrete, të tilla si vendosja e monedhave në këpucë që i kishin lënë jashtë, duke e bërë atë model për Babain e Krishtlindjeve.
Top Channel
