Shuhet në moshën 58-vjeçare aktori i njohur Ronan Vibert!

Vibert vuante nga një sëmundje e cila nuk është bërë publike. Ronan ishte i njohur për veprat si Saving Mr. Banks, Roma, Dracula dhe The Snowman. Ai la pas gruan Jess Vibert. Ronan ka lindur në Kembrixh dhe është rritur në Wellsin e Jugut, por vitet e fundit u zhvendos në Florida të SHBA-së.

Ai bëri debutimin e tij si aktor në shfaqjen e vitit 1989, “Traffik”. Seriali shërbeu si bazë për filmin fitues të “Oscar” të vitit 2000 “Traffic”, i cili u drejtua nga Steven Soderbergh. Vibert vazhdoi të kishte një karrierë të suksesshme në televizionin britanik ndërsa luajti në episodet e “Birds Of A Feather”, “Lovejoy” dhe “Gimme Gimme Gimme”.

Ai gjithashtu luajti në mini serialet televizive “The Buccaneers” në 1995, i cili paraqiste një kast mbresëlënës duke përfshirë Mira Sorvino dhe Carla Gugino. Ai vazhdoi të bënte debutimin e tij në ekranin e madh me një rol përballë John Malkovich dhe Willem Dafoe në filmin e vitit 2000 “Shadow Of The Vampire”.

Vibert vazhdoi një karrierë të suksesshme në filmat artistikë pasi luajti në “The Cat’s Meow” me Kirsten Dunst, “The Pianist” me Adrien Brody, “Tomb Raider: The Cradle Of Life” me Angelina Jolie dhe 2006 me James Franco “Isolde”.

Ylli britanik vazhdoi të luajë në filmin “Saving Mr. Banks” të vitit 2013, i cili u nominua për një “Oscar”. Ai vazhdoi të luajë në seriale televizive dhe mini seriale duke përfshirë Penny Dreadful (2015), The Lizzie Borden Chronicles (2015), Jonathan Strange & Mr. Norrell (2015). Electric Dreams (2017), Alienist (20188).

Vibert gjithashtu bëri punë zanore për video lojëra shumë të njohura, duke përfshirë “Assassin’s Creed IV Black Flag” dhe “Thronebreaker: The Witcher Tales” të vitit 2018. Roli i tij i fundit ishte si Ritter Longerbane në serialin televiziv të vitit 2019, “Carnival Row”, ku interpretojnë Orlando Bloom dhe Cara Delevingne.

Top Channel