Julia Ilirjani dhe Ilnisa Agolli sjellin projektin më të ri në Top Channel, aktorja tregon detaje 06/05 22:06
Një restorant i famshëm i ngritur në një ish-anije avullore mbi një liqen në veri të Londrës, është rrëzuar në ujë para darkuesve të sezonit të Krishtlindejve, të cilët e krahasonin sot ngjarjen me “fundojsen e Titanikut”.
Stafi i restorantit Miller & Carter ishte duke u përgatitur për shërbimin e darkës në zonën e Essex, kur goditi katastrofa e papritur.
Fotot nga vendngjarja tregonin strukturën që nisi të anohej rrezikshëm derisa të binte në nivelin e ujit, fatmirësisht pa të plagosur.
Drejtori i qendrës tregtare Howard Oldstein tha se struktura nisi të humbte sot lartësinë rreth mesditës.
“Sapo vumë re po fundosej në anën e pasme stafi nisi të mblidhte sendet personale. Tani thjesht po pluskon në sipërfaqen e ujit dhe e kemi lënë të marrë rrjedhën e saj natyrale”, tha ai.
Oldstein shtoi se liqeni është i thellë dhe se restoranti i ndërtuar në një ish-avullore mund të anohet duke u fundosur nga njëra anë.
Restoranti Miller & Carter Langdon thoshte në një deklaratë se prenotimet e bëra do të merren përsipër nga një tjetër ambjent.
Top Channel
