Guardiola: Fëmija i tretë ndoshta e bën Foden të kuptojë, nuk luhet gjithmonë me “marshin e gjashtë” 26/04 23:29
Lionel Messi duket se do të shmangë daljet publike gjatë periudhës së Krishtlindjeve duke qëndruar në shtëpinë e tij në Rosario pas fitores dramatike të Kupës ë Botës dhe festimeve të trazuara në kryeqytetin Buenos Aires.
Dhe në fakt celebrimet ishin aq të zhurmshme sa parada e autobusit të hapur u detyrua të ndërpritej pasi tifozët po hidheshin brenda tij nga urat e kryeqytetit.
Messi e Angel di Maria u kthyen të dy dje në qytetin e lindjes Rosario, dhe pritet të kalojnë periudhën festive me miqtë e tyre pas zhurmës së botërorit.
Messi do të qëndrojë në shtepinë e tij në Funes, rreth 15km në perëndim të Rosario, para se të rikthehet në detyrë me skuadrën e PSG.
This is how Messi was received minutes ago at his home in Rosario.
🗣️ “Thank you Lio, Thank you Lio.”
— All About Argentina 🛎🇦🇷 (@AlbicelesteTalk) December 20, 2022
Shoku i tij i skuadrës te PSG dhe rival në finalen me Francën, Kilian Mbape, u raportua sot se është rikthyer në stërvitje me ekipin.
Kampionati francez rikthehet në lojë më 28 dhjetor, por nuk dihet se kur do të jetë koha e rikthimit të Messi i cili ka qenë në faqet e para të të gjitha mediave prej katër ditësh tashmë.
Raportimet nga vendi sugjerojnë se ai është takuar dje në shtëpinë e tij me Gabriel Heinze, ish-futbollisti i Argjentinës dhe i Manchester United që tani është trajner i skuadrës së qytetit Newell’s Old Boys.
Top Channel
