FOTOLAJM/ Marrëveshja e armëpushimit me Izraelin, mijëra libanezë kthehen në shtëpitë e tyre
27/11 09:25
Disa rregulla sigurie për lëngjet dhe artikujt si laptopët në bagazhet e dorës së aeroportit do të hiqen vitin e ardhshëm.
Qeveria ka vendosur një afat deri në qershor 2024 për shumicën e aeroporteve në Mbretërinë e Bashkuar për të instaluar skanerë të rinj 3D të teknologjisë së lartë, që tregojnë imazhe më të detajuara të bagazheve.
Kështu rregulli i lëngjeve 100 ml do të rritet në dy litra dhe pasagjerët nuk do të kenë nevojë të heqin sendet elektrike nga çantat e tyre.
Pasagjerëve u kërkohet aktualisht të heqin sende të tilla si tabletët, laptopët dhe lëngjet nga bagazhi i tyre i dorës gjatë kontrollit të sigurisë në aeroporte. Lëngjet, si kremi i diellit, shampo ose pastë dhëmbësh kërkohet të jenë 100 ml dhe duhet të jenë në një qese plastike të pastër.
Rregullat kanë qenë në fuqi që nga nëntori 2006 dhe futja e tyre shënoi fundin e ndalimit të lëngjeve në kabinë të vendosur tre muaj më parë, kur policia britanike tha se kishte prishur një komplot për të hedhur në erë deri në 10 avionë duke përdorur eksplozivë të fshehur në shishe.
“Një hap i madh përpara për udhëtimin ajror në Mbretërinë e Bashkuar, që e bën një ndër më të mirët në mbarë botën. Kjo do ta bëjë më të lehtë udhëtimin nëpër aeroportet e Mbretërisë së Bashkuar dhe vetë udhëtimin ajror më të këndshëm”, tha Christopher Snelling, drejtor i politikave në Shoqatën e Operatorëve të Aeroportit, i cili përfaqëson aeroportet në Mbretërinë e Bashkuar.
Top Channel
