“Ditë historike”, Kosova aplikon për anëtarësim në BE
15/12/2022 14:13
Lajçak sqaron takimin: Çfarë u kërkua në Bruksel nga Serbia e Kosova!
18/12 12:33
Kryeministri i Kosovës, Albin Kurti ka dorëzuar sot në Pragë zyrtarisht aplikimin e Kosovës për anëtarësim në Bashkimin Evropian, duke e cilësuar 15 dhjetori si një ditë historike për popullin e Kosovës dhe demokracinë në Evropë.
“Letra që sot kam sjellë bart shpresat dhe ëndrrat e qytetarëve tanë që kanë punuar me shumë zell për të arritur këtë ditë. Flet për aspiratat tona për t’iu bashkuar BE-së me të cilin ndajmë vlerat e njëjta. Ne e dimë që janë nevojitur afate të ndryshme për vende të ndryshme që nga Finlanda e Suedia që u janë dashur 3 vjet deri te Malta e Qipro që janë dashur 14 vjet, një mesatare prej 9 vjetësh është reale për Kosovën që të paguaj këtë mesatare”, tha Kurti.
Ndërsa sa i përket pengesës që mund të paraqesin pesë shtetet e BE-së që nuk e njohin Kosovën, Kurti tha se kur Kosova e kishte nënshkruar Marrëveshjen e Stabilizim-Asoocimit, pesë shtetet ishin dakord.
“Nuk besoj se pakica e shteteve anëtare të BE-së që ende nuk njohin pavarësinë tonë do të jenë kundër bashkimit tonë në familjen evropiane”, tha Kurti.
Ndërkaq, ministri për Çështje Evropiane i Çekisë, Mikulash Bek, tha se e mbështet Kosovën në rrugëtimin e saj drejt BE-së.
Një ditë më herët, udhëheqësit e Kosovës, përfshirë kryeministrin Kurti, presidenten Vjosa Osmani dhe kryetarin e Kuvendit, Glauk Konjufca, e nënshkruan aplikimin në Prishtinë, duke e cilësuar këtë si “hap historik” për Kosovën.
Top Channel
