Uashingtoni i dha dritën jeshile përdorimit të raketave me rreze të gjatë, reagon Zelenksy 17/11 22:37
Pas 16 viteve në burg, Liljana Mulliri nuk është në gjendje të thotë se sa është numri i grave të dënuara që priti dhe përcolli drejt lirisë.
Dhe këtë vit, si shumë të tjerë ajo shpresoi në faljen që do t’i hiqte ditët që i kanë mbetur për t’i vuajtur. Por për të tretin edhe sivjet nuk ka amnisti.
Kanë zgjedhur ditën e fundit të aktivizimit kundër dhunës dhe ditën ndërkombëtare të të Drejtave të Njeriut që gjyqtarët, prokurorët , gardianët dhe të dënuarat të dëgjojnë njëra tjetrën.
“Është shumë e vështirë për mua të harroj çfarë kam bërë”, tha e burgosura.
“Nuk është e lehtë të japësh një vendim, të gjykosh përditë e të vlerësosh me prova dhe me bindje”, tha Valdete Hoxha, gjyqtare e Apelit.
Prej 18 vitesh gardiane në burg dhe në pritje të dalë në pension, Mimoza Rumano këmbëngul se gratë e burgosura dhe gratë viktima i bashkon paragjykimi.
Anila Hoxha: Zonja gjyqtare tani që jeni në burg mendoni se çdo gjyqtar dhe prokuror duhet të hyjë njëherë në burg përpara se të japë një vendim?
Edlira Petri, Gjyqtare e Apelit Tiranë: Them që po sepse duhet të vlerësojë gjendjen dhe rrethanat që e shtynë të kryejë individin krimin e dënueshëm me ligj.
Pavarësisht se janë shpallur fajtore për krime që nga vrasjet, plagosjet, trafiku i drogës, shpërndarja e mashtrimit, dhe për këtë po vuajnë dënimin si të akuzuara , disa prej tyre janë edhe viktima.
Dhe bëhet fjalë për atë kategori që nuk u lejohet të takojnë fëmijët pasi kanë vrarë bashkëshortin apo partnerin
Zakonisht në qeli kanë përfunduar gjyqtare dhe prokurorë të arrestuar për korrupsion dhe kjo është hera e parë kur njerëzit e drejtësisë kalojnë derën e burgut për të parë se çfarë brenda mureve.
Top Channel
