Aksident në Shkodër/ Humb kontrollin e mjetit, ndërron jetë rrugës për në spital 38-vjeçari (Emri)
08/12/2022 22:07
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Foto Ilustruese
Një aksident i rëndë ka ndodhur këtë mbrëmje në fshatin Hot të Malësisë së Madhe, ku një 38-vjeçar ka ndërruar jetë pasi mjeti që drejtonte doli nga rruga.
Sipas policisë viktima i identifikuar si Martin Lulaj ka humbur kontrollin e mjetit tip “Opel”, e më pas ka dalë nga rruga duke marrë plagë të rënda.
Për shkak të dëmtimeve të rënda, ai ka ndërruar jetë rrugës për në spital.
Grupi hetimor vijon veprimet për sqarimin e rrethanave dhe shkakut të aksidentit.
Njoftimi policisë:
Shkodër/Informacion paraprak
Rreth orës 21:00, tek rreth rrotullimi Koplikut, shtetasi M.L, 38 vjeç, banues në fshatin Hot, Malësi e Madhe, duke drejtuar automjetin tip Opel, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga.
Drejtuesi i automjetit shtetasi M.L, pësoi dëmtime të rënda dhe për pasojë gjatë rrugës për në spital ka ndërruar jetë.
Grupi hetimor vijon veprimet për sqarimin e rrethanave dhe shkakut të aksidentit.
Top Channel
