FOTOLAJM/ Marrëveshja e armëpushimit me Izraelin, mijëra libanezë kthehen në shtëpitë e tyre
27/11 09:25
Shkencëtarët kanë identifikuar ADN-në më të vjetër në botë të regjistruar deri më tani, nga kafshët, bimët dhe mikrobet që datojnë rreth 2 milionë vjet më parë – në pikën më veriore të Groenlandës.
Studiuesit thanë të mërkurën se fragmente të ADN-së u zbuluan për një mori kafshësh, duke përfshirë mastodonët, lepujt, patat, si dhe bimët duke përfshirë pemët e plepit, thuprës dhe mikroorganizmave duke përfshirë bakteret dhe kërpudhat.
Mastodoni ishte një lloj kafshe i ngjashëm me elefantin që endej në Amerikën Veriore dhe Qendrore deri në zhdukjen e tij së bashku me shumë gjitarë të tjerë të mëdhenj afërsisht 10,000 vjet më parë.
“Mastodon ishte një surprizë e madhe. Nuk është gjetur kurrë më parë në Groenlandë. Megjithatë, surpriza më e madhe ishte ky ekosistem unik i specieve arktike dhe të buta, të përziera së bashku pa asnjë analog modern,” tha Eske Ëillerslev, drejtor i Qendrës Gjeogjenetike të Fondacionit Lundbeck dhe udhëheqësi i studimit të botuar në revistën Nature.
“Unë nuk mendoj se dikush do të kishte parashikuar që Groenlanda të kishte një larmi të tillë bimësh dhe kafshësh 2 milion vjet më parë në një kohë kur klima ishte shumë e ngjashme me atë që presim të dëshmojmë në disa vite për shkak të ngrohjes globale,” shtoi Willerslev.
Ai tha se tani nuk do të befasohej të gjente AND të të paktën 4 milionë viteve më parë.
Top Channel
