Tirana do bllokohet, nuk do lejohet qarkullimi në rrugët kryesore

Për këtë plan masash policia është konsultuar dhe me ekspertë sigurie të Bashkimit Europian dhe ka shkëmbyer informacione me Interpol dhe Europol.

Plani i masave prek pikat e kalimit kufitar ku do të vijnë liderat europiane, rrugëkalimet e delegacioneve dhe sigurimin e ambienteve ku do të mbahet samiti.

Plani i parë i masave ka nisur të implementohet që këtë të hënë fillimisht ne zonën e cilësuar perimetër sigurie. Nis në Bulevardin Dëshmorët e Kombit nga Ura e hotel Dajtit deri te sheshi Nënë Tereza.

Bulevardi Bajram Curri nga rruga e Elbasanit deri tek Ura e drejtorisë së policisë Tiranë.
Rruga papa gjon pali nga ETC deri te stadiumi.

Rruga Lekë Dukagjini dhe akset përreth stadiumit dhe rrugët që lidhin aksin Papa Gjon Pali me rrugën e Elbasanit.

Gjatë të martës do të jetë e bllokuar rruga nga aeroporti i Rinasit deri te mbikalimi i Kasharit për të vijuar me autostradën Tiranë – Durrës deri tek ish sheshi Shqiponja për të vijuar me unazën veri lindore deri tek rrethrrotullimi i Saukut, rethrrotullimi i Akademisë të Policisë, Pallati i Brigadave, rrethrrotullimi i Qytetit Studenti deri te pika fundore bulevardi Bajram Curri.

Nisur nga këto kufizime në trafik për të mos humbur fluturimet e planifikuara gjatë të martës Tirana international aeroport ka njoftuar të gjithë pasagjerët që të paraqiten ne aeroport 4 orë para fluturimit. Për të mbërritur në Rinas të vetmet rrugë të aksesueshme janë ato alternative nga vora ose nga Fushë Kruja.

Kufizime do të kenë dhe mjetet e tonazhit të rëndë në aksin Shkodër- Lezhë- Milot-Thumanë Fushë Krujë – Vorë.

Gjatë kësaj të hëne një pjesë e delegacioneve kanë mbërritur dhe kjo ka sjellë një shtim të patrullimit të forcave të policisë në rrugë edhe patrullim nga ajri me helikopter.

Top Channel