Sulmi terrorist në Gjermani, publikohet fotoja e autorit të dyshuar 21/12 21:09
Një paciente 72 vjeçare është ndaluar në një spital në Gjermani me akuza tentativë vrasjeje nga pakujdesia, pas një serie incidentesh me pacientë të tjerë.
Gruaja u arrestua pasi dy herë kishte fikur ventilatorin e frymëmarrjes të një pacienteje të dhomës sepse ‘bezdisej nga zhurma që aparati bënte’.
Ajo u ndalua nga autoritetet për tentativë vrasjeje nga pakujdesia, pas incidentit të së mërkurës në qytetin jugperëndimor të Mannheim.
Policia dhe prokuroria vendase thanë se e dyshuara kishte fikur ventilatorin e gruas, dhe më pas kishte bërë të njëjtën gjë më vonë, edhe pasi stafi i mjekëve e informuan se ishte thelbësor për pacienten.
Në një njoftim të përbashkët për shtyp nga prokuroria e policia e Mannheim thuhej se gruaja kishte fikur ventilatorin pas orës 20.00 pasi “ndjehej e bezdisur nga zhurma që bënte aparati i oksigjenit”.
“Megjithse e dyshuara ishte informuar me pas nga stafi mjekësor se furnizimi me oksigjen ishte një masë vitale për të sëmurën, ajo e kishte fikur përsëri aparatin rreth orës 21.00”, thuhej në deklaratë.
Pacientja 79-vjecare duhej të risillej në jetë nga stafi mjekësor, tha në autoritetet, dhe kërkoi kujdes intensiv, edhe pse jeta nuk iu rrezikua.
E dyshuara u dërgua dje në paraburgim, ndërsa hetimet vijojnë.
Top Channel
