Hiqen kufizimet, Presidenti Biden do të lejojë Ukrainën të përdorë armë amerikane për sulme brenda Rusisë 17/11 20:24
Një tempull tajlandez ka mbetur pa asnjë murg pasi të gjithë dështuan në testet e drogës dhe si pasojë u dëbuan.
Katër murgj, përfshirë abatin, rezultuan pozitivë për metamfetaminë në provincën veriore të Phetchabun, tha një zyrtar për agjencinë e lajmeve AFP.
Vendi i vogël fetar u bastis nga policia dhe zyrtarët shëndetësorë të hënën.
Largimi i murgjve ka shkaktuar habi në komunitetin lokal, i cili mbështetet tek ata për funksionet fetare.
Vitet e fundit, metamfetamina është bërë një çështje kryesore në Tajlandë, teksa konfiskimet e drogës kanë arritur nivelin më të lartë në vitin 2021, sipas Zyrës së OKB-së për Drogën dhe Krimin.
Vendi është një pikë kryesore tranziti për metamfetaminën. Droga vërshon në vend nga Myanmar – prodhuesi më i madh në botë i metamfetaminës – nëpërmjet Laosit.
Top Channel
