Pas katër ditësh, Bordi i Transparencës u mblodh sërish këtë 29 Nëntor për të ndryshuar çmimet e hidrokarbureve.

Nafta do të kushtojë pesë lekë më pak duke nisur nga mesdita e së mërkurës. Nga 211 lekë/litri, nafta do të shitet në pikat e karburantit me 206 lekë/litri.

Benzina ka po ashtu një ulje të çmimit, edhe pse me vetëm një lekë. Nga 194 lekë/litri, do të shitet për 191 lekë/litri.

Ndërsa çmimi i gazit mbetet i njëjti dhe do të vazhdojë të shitet në pikat e karburantit për 71 lekë/litri.

Prej disa ditësh, në tregjet ndërkombëtare çmimi i naftës ka pësuar rënie të ndjeshme duke u tregtuar në nivelin e 870-880 dollarëve, ndërsa në vendin tonë një ulje e lehtë u reflektua vetëm në mbrëmjet e vona të së martës.

Top Channel