Forcohen marrëdhëniet Turqi-Siri, ministri i Jashtëm turk takon kreun e HTS-së në Damask 22/12 18:42
Ministrat e NATO-s do të takohen ditën e sotme në Rumani, ku do të diskutojnë për rritjen e ndihmës ushtarake për Ukrainën.
Shefi i bllokut, Jens Stoltenberg do t’u bëjë thirrje aleatëve që të premtojnë më shumë ndihmë dimërore për Kievin, pasi presidenti i Ukrainës u tha banorëve që të përgatiten për një javë tjetër të ftohtë dhe errësirë për shkak të sulmeve ruse në infrastrukturën energjetike.
Takimi do të përfshijë bisedime për rritjen e asistencës duke përfshirë sistemet e mbrojtjes ajrore dhe municionet dhe ndihmat jo-vdekjeprurëse si karburantet, furnizimet mjekësore dhe pajisjet dimërore.
“Do të jetë një dimër i tmerrshëm për Ukrainën, kështu që ne po punojmë për të forcuar mbështetjen tonë që ajo të jetë elastike,” tha një diplomat i lartë evropian.
Volodymyr Zelenskyy paralajmëroi ukrainasit për sulme të reja ruse këtë javë që mund të jenë po aq të këqija sa ato të javës së kaluar, të cilat lanë miliona njerëz pa ngrohje, ujë apo energji elektrike.
Ndërsa Rusia pranon se ka shënjestruar infrastrukturën energjetike të Ukrainës, ajo mohon qëllimin e saj për të lënduar civilët.
Top Channel
Forcohen marrëdhëniet Turqi-Siri, ministri i Jashtëm turk takon kreun e HTS-së në Damask 
