Kjo fjongo është aksesori më ‘In’ i momentit për një mbrëmje elegante!

E kombinuar me lëkurën e saj të bardhë, një buzëkuq rozë, vetullat e krehura dhe qerpikët e valëzuar, ajo krijonte një pamje mjaft elegante.

Pamja e Robbie ka një histori të gjatë pas saj. Gabrielle “Coco” Chanel kishte një prirje për të vënë fjongo të zeza dhe i përfshinte rregullisht në koleksionet e saj.

Pasardhësi i saj Karl Lagerfeld vazhdoi traditën gjatë mandatit të tij dhe sot ata mbeten një aksesor i shtëpisë së modës, falë drejtoreshës aktuale krijuese Virginie Viard, e cila i përfshin ato si në shfaqjet e saj të modës ashtu edhe në shfaqjet e saj të gatshme.

Kjo pamje kaq vajzërore, e ngjashme me vajzat franceze në veshjen që ajo kishte zgjedhur, ishte e përbërë nga një kostum i zi nga koleksioni pranverë/verë 2023 i “Chanel”. Robbie e ka vendosur fjongon si aksesor edhe më parë në “Critics’ Choice Awards” në vitin 2018. Edhe në Kanë në vitin 2019, ajo veshi një fustan “Chanel” me temina nga koka te këmbët, të cilin e kishte kombinuar me një fjongo të zezë rreth qafës në vend të diamanteve.

Flokët me fjongo si të Margot Robbie janë perfekte për sezonin e festave dhe mjaft të lehta për t’u realizuar edhe në kushte shtëpie. Kur përdorni fjongot e flokëve, sigurohuni që fillimisht flokët t’i keni të kapura bisht ose topuz dhe më pas lidheni fjongon sipër tyre, sikur po paketoni një dhuratë. Fjongot me kapëse janë edhe më të lehta për t’u vënë. Stilojini flokët, më pas kapini ato me fjongon tuaj me kapëse.

Rikujtojmë, se “Maxim Australia” ka publikuar listën e përvitshme ‘Hot 100’ për vitin 2022, në të cilën përfshihen gratë më të suksesshme dhe të bukura në industrinë e argëtimit, në sport dhe në kulturën pop. Teksa këtë vit në të ndodhen shumë emra të parashikueshëm, disa prej tyre janë befasues. Në krye të listës është aktorja Margot Robbie, e cila po vazhdon suksesin e saj në Hollywood dhe “Babylon” është filmi i saj më i ri.

Top Channel