VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Tifozë meksikanë u kapën sot duke tentuar të fusnin ilegalisht pije alkoolike në stadiumet e Kupës së Botës në Katar, por dylbitë që ishin mbushur me tekila fatkeqësisht u zbuluan dhe u konfiskuan.
Në pamje shihej një tifoz i veshur me të gjelbër që qëndronte pranë tre zyrtarëve që dyshonin te “dylbitë” e tij.
Tifozi ishte pranë skanerëve të sigurisë në të cilat kalojnë të gjithë tifozët para se të hyjnë në stadium.
Një nga rojet e sigurisë duket se i thotë tjetrit se ka diçka të dyshimtë të dylbitë. Dhe kur tjetri merr në dorë kupton që me to mund të shikohej në distancë, por vetëm të hiqej kapaku dhe të pihej nga njëra anë e “lenteve” të shikimit.
Tifozi dukej se mbante dylbitë e tij me funksion të dyfishtë, që shërbejnë edhe si shisje pijeje, të cilat mund të blihen lehtësisht onine.
Video zbavitëse ka marrë shumë shikime në rrjetet sociale, dhe komente interesante nga përdoruesit e zbavitur.
Aktualisht në Katar turistët mund të konsumojnë alkool vetëm brenda hoteleve ose restoranteve të liçensuara. Përjashtimet për Kupën e Botës duhet të ishin lejimi i tyre në ambjentet e veçanta ‘fan zones’ ose në rrethinat e stadiumit.
Por në momentin e fundit vendi mohoi një pjesë të marrëveshjes duke lejuar shitjen e birrës vetëm në ambjentet ‘fan zone’.
Gjysmë litri birrë kushton rreth 14 dollarë dhe shitet vetëm në kohë të caktuara, ndersa çdo personi i lejohet vetëm deri në katër birra.
Fansat kanë reaguar me zemërim ndaj rregullave kufizuese dhe shumë prej tyre thonë se kampionati po shfrytëzohet si një ‘eksperiment social’ për kufizimet e sjelljeve.
Top Channel
