“Më mori 6000 euro dhe s’më hap telefonin”, biznesmeni akuzon Erjola Doçin, çfarë ndodhi në emision 17/11 19:08
Mini çanta prej sateni blu e Princeshë Dianës “Lady Dior” që ajo mbajti në Met Gala të vitit 1996 do të rihidhet në treg për një seri të kufizuar, njoftoi së fundmi shtëpia franceze e modës.
Çanta e cila ka një çmim prej 5,000 euro (rreth 5,180 dollarë) dhe e disponueshme ekskluzivisht në butikët e Dior, u krijua posaçërisht për princeshën e ndjerë të Uellsit për ta mbajtur në paraqitjen e saj të vetme në Met Gala, e cila ishte me temë për të festuar ndikimin e Christian Dior mbi modën.
E veshur me një fustan ngjyrë bojëqielli me zbukurime me dantella nga John Galliano, i cili ishte drejtori kreativ i sapoemëruar i Dior në atë kohë, princesha mbante një çantë prej sateni blu e cila ishte projektuar si një version më i vogël i çantës së saj të preferuar Dior me tegela të zinj. Sipas Dior, Princesha Diana ra në dashuri me stilin kur Zonja e Parë e Francës në atë kohë, Madame Bernadette Chirac, i dhuroi asaj çantën e saj “Chouchou” në 1995.
Kur ajo u fotografua duke mbajtur atë në shumë raste, shtëpia e modës e quajti çantën “Lady Dior” në nder të Lady Diana-s. Çanta ikonë ka qenë pjesë e historisë së Dior-it për dekada dhe është e disponueshme në një ylber ngjyrash dhe madhësish të ndryshme, duke filluar nga stili “Mini” (5300 dollarë) deri te çanta origjinale mesatare e Dianës (6100 dollarë).
Princesha e ndjerë nuk është e vetmja fanse e stilit “Lady Dior”. Çantën e kanë mbajtur shumë fytyra të famshme duke përfshirë Sarah Jessica Parker, Kristin Davis, Paris Hilton, Mary-Kate Olsen dhe Emmy Rossum. Sa i përket stilit të ri-lançuar, adhuruesit e modës duhet të veprojnë shpejt, pasi marka franceze po krijon vetëm një seri të kufizuar prej 200 copësh.
Top Channel
