Ekskluzive në “Flet”/ Laert Vasili: Jam i dashuruar me një prostitutë! 25/11 22:09
Ticketmaster ka anuluar shitjet e biletave për turneun e Taylor Swift për shkak të inventarit të pamjaftueshëm të biletave për të përmbushur kërkesat jashtëzakonisht të larta.
Shitjet e përgjithshme të biletave për turneun Eras të Swift , i pari i saj në pesë vjet, ishin planifikuar të hapeshin të premten në mëngjes.
“Për shkak të kërkesave jashtëzakonisht të larta për sistemet e biletave dhe inventarit të pamjaftueshëm të biletave të mbetura për të përmbushur këtë kërkesë, shitja e biletave të së premtes është anulluar”, postoi Ticketmaster në Twitter.
Vendimi vjen disa ditë pasi parashitja e biletave shkaktoi rrëzimin e faqes, duke lënë shumë fansa të frustruar dhe të paaftë për të marrë biletat, të cilët kritikuan kompaninë.
Ata janë ende të paqartë nëse ka ende bileta të disponueshme dhe nëse po ku mund t’i marrin ato.
Kompania e biletave më parë kishte kërkuar nga fansat në Twitter që të ishin të durueshëm pasi miliona u përpoqën të blinin bileta në parashitje, duke shkaktuar kërkesë të paprecedentë historikisht.
Në një deklaratë të enjten, Ticketmaster tha se kishte parashikuar kërkesë të madhe për bileta, duke shtuar se një rekord 3.5 milionë njerëz ishin regjistruar si fansa të verifikuar, 4 herë më shumë se rekordi i mëparshëm.
Swift nuk ka komentuar publikisht për këtë çështje.
Top Channel
