Avioni përplaset me disa kamionë teksa zbriste në pistë, tre të plagosur 17/11 22:57
Agjencia amerikane e hapësirës lëshoi nga Cape Canaveral i Floridës raketën më të fuqishme që ka prodhuar ndonjëherë.
Artemis, 100 metra e gjatë, u ngrit në qiell në një përzierje të mrekullueshme drite dhe zëri, shkruan BBC.
Objektivi i saj ishte të lëshonte një kapsulë astronautësh në drejtim të Hënës. Anija kozmike, e njohur si Orion, është pa ekuipazh në këtë fluturim, por nëse gjithçka shkon siç duhet, do të ketë njerëz në bord për misionet e ardhshme që synojnë sipërfaqen e satelitit të vetëm natyror të Tokës.
Fluturimi i sotëm pason dy përpjekje të mëparshme të dështuara nisjeje në gusht dhe shtator, të cilat u ndërprenë për shkak të defekteve teknike. Këto të fundit tashmë, me sa duket, janë kapërcyer, dhe Sistemit të Nisjes Hapësinore, siç quhet ndryshe raketa, iu dha drita jeshile e lëshimit nga Qendra Hapësinore Kennedy.
“Është flaka më e madhe që kam parë ndonjëherë, dhe goditja me ë fuqishme akustike që ka dëgjuar”, u shpreh administratori i NASA-s, Bill Nelson, që asistoi në momentin e lëshimit. Momenti i nisjes së Artemis është mjaft domethënës, duke pasur parasysh në muajin dhjetor, NASA kremton 50-vjetorin e Apollo 17, hera e fundit që njerëzit ecën në Hënë. Jo më kot programi i ri u quajt Artemis, apo Artemida, që në mitologjinë greke ishte motra binjake e Apollonit.
We are going.
For the first time, the @NASA_SLS rocket and @NASA_Orion fly together. #Artemis I begins a new chapter in human lunar exploration. pic.twitter.com/vmC64Qgft9
— NASA (@NASA) November 16, 2022
Top Channel
