Bordi i Transparencës vendosi të ulë çmimin e naftës dhe benzinës këtë të shtunë, pa kaluar 24 orë nga vendimi i fundit për çmimet e hidrokarbureve.
Nafta do të tregtohet jo më shumë se 223 lekë/litri, nga 227 lekë/litri që u vendos një ditë më parë. Ndërsa benzina do të shitet 209 lekë për litër, duke u ulur me vetëm një lek. Çmimi i shitjes me pakicë i nënproduktit gaz, të jetë i pandryshuar, 74 lekë/litri me pakicë.
Vendim i Bordit të Transparencës 12.11.2022
Vendimet e Bordit të Transparencës në datë 12 Nëntor 2022 kanë ndryshime të çmimit nga ai i përcaktuar në mbledhjen e fundit.
Referuar të dhënave lidhur me bursën Platts të datës 11.11.2022, kemi ndryshime të çmimit nga ai përcaktuar në mbledhjen e fundit, konkretisht rezulton se çmimi (FOB/MED $ Ton) i Benzinës është 979, + 22 nga data 11.11.2022, $/ Ton, ndërsa çmimi i Gazoilit/Diesel është 1028, +5 nga data 11.11.2022, $/Ton. Kursi i këmbimit i BSH ka pësuar një ulje në 114.38 (- 3.65 nga data 11.11.2022).
Si rrjedhojë çmimet e vendosura janë :
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 223 lekë/litri, ndërsa i shitjes me shumicë jo më shumë se 211 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 209 lekë/litri, ndërsa i shitjes me shumicë jo më shumë se 197 lekë/litër.
Çmimi i shitjes me pakicë i nënproduktit gaz, të jetë 74 lekë/litri me pakicë dhe i shitjes me shumicë 62 lekë/litër për automjetet.
Çmimi i gazoilit për peshkim është vendosur 130 lekë/litër.
Çmimet e caktuara nga Bordi do të hynë në fuqi në datë 13 Nëntor, ora 12.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.
Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.
Top Channel
