Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Planet për të rindërtuar avionin më të madh tregtar në botë, i cili u shkatërrua në fillim të sulmeve ruse në Ukrainës, janë konfirmuar.
Antonov AN-225 i quajtur “Mriya”, u sulmua në bazën e tij në Hostomel, afër Kievit në shkurt.
“Rusia mund të ketë shkatërruar ‘Mriya’ tonë. Por ata kurrë nuk do të jenë në gjendje të shkatërrojnë ëndrrën tonë për një shtet evropian të fortë, të lirë dhe demokratik. Ne do të triumfojmë!”, shkroi Ministri i Jashtëm ukrainas Dmytro Kuleba në atë kohë.
Tani prodhuesit e tij kanë njoftuar se planet për rindërtimin e avionit tashmë janë duke u zhvilluar.
Kompania Antonov tha në një postim në Twitter të hënën se projekti i rindërtimit kishte filluar, me “punë projektimi” në afërsi.
Ajo parashikoi një faturë prej mbi 500 milionë euro (502 milionë dollarë) për ta rikthyer atë në ajër, duke premtuar më shumë informacion “pas fitores”.
Njëkohësisht raportoi se tashmë kompania ka rreth 30% të komponentëve të nevojshëm për të ndërtuar një të re.
Top Channel
