Rusët, pas skenarit për shkaktimin e incidenteve në Veri të Kosovës?

Kur serbët e Kosovës nën direktiva të Beogradit vendosën të braktisin institucionet e Republikës së Kosovës, Veriu i Mitrovicës u stërmbush me flamuj të Serbisë.

Por, në mesin e mijëra flamujve serbë, spikatë edhe një i një shteti që tashmë njihet si agresor.

Bëhet fjalë për flamurin e Rusisë, që siç shihet në këtë foto të siguruar nga RTV Dukagjini është vendosur këtë të shtunë në Veri të Mitrovicës, një ditë para se serbët të mblidhen në protestë në sheshin “Car Llazar” në Mitrovicën Veriore.

Situata në Veri të Kosovës nuk është aspak e qetë, madje burime brenda organeve të sigurisë së Kosovës, kanë bërë me dije se në 12 vjetët e fundit asnjëherë situatë më e “turbullt” se tani nuk ka qenë në veri.

Kjo mbase për faktin edhe të ipmlikimt të drejtpërdrejt të shërbimeve ruse, në organizimin për të shkaktuar incidente në Veri të Kosovës.

Madje burime shumë të sigurta brenda agjencive të sigurisë së Kosovës, kanë bërë me dije për RTV Dukagjinin se prapa gjithë skenarit për të shkaktuar tensione në veri qëndrojnë pikërisht rusët.

Po këto burime kanë konfirmuar se ata kanë dorë në organizmin e grupeve të ndryshme kriminale të Veri të Kosovës të cilët janë të përgatitur e madje edhe të armatosur për të shkaktuar veprime që kontribojnë në destabilizimin e veriut. Lidhur me planin për ta sulmuar KFOR-in dhe EULEX-in, më herët ka raportuar edhe KosovaPress.

Një nga këto veprime siç mëson RTV Dukagjini nga burime brenda agjencive të sigurisë së Kosovës, është edhe një plan për të sulmuar pjesëtarë të forcave paqëruajtëse të KFOR-it, të cilët rregullisht madje me forca të shtuara janë duke patrulluar në veri.

Një plan të tillë e kanë dekonspiruar agjencitë e sigurisë.

Këto burime kanë bërë me dije se edhe parap këtyre veprimeve qëndrojnë individë me prejardhje nga Rusia, ndërsa ekzekutimin e këtyre planeve do ta bënin ata që njihen si “SEVERNA BRIGADA” apo “BRIGADA E VERIUT”.

Ky grup kriminal është i kontrolluar drejtpërdrejtë nga Milan Radojçiq, që njihet si personi më i fuqishëm në Veri të Kosovës, ndërsa është i shpallur në kërkim nga organet e drejtësisë. Radojçiq për shkak të aktivitetit të tij kriminal është futur edhe në listën e zezë të Shteteve të Bashkuara të Amerikës.

RTV Dukagjini, një ditë më parë ka raportuar edhe për futjen në zonën e Veriut të Kosovës edhe të rreth 300 personave me prejardhje nga Rusia dhe Repulika Srbska.

Përfaqësuesit e Listës Serbe kanë njoftuar se të shtunën e pesë nëntorit do të mbajnë një takim me përfaqësuesit serb në institucione të Kosovës, ku do të shqyrtojnë mundësinë për bojkotim dhe largim nga institucionet e Republikës së Kosovës. Ndërsa ata kanë paralajmëruar protesta nga e diela e gjashtë nëntorit, raporton N1, transmeton Portali Dukagjini.

“Ne kurrë nuk do të ndalemi, dhe ajo që është veçanërisht e rëndësishme – do të jetë një rezistencë demokratike dhe jo e dhunshme”, ka thënë kryetari i Listës Serbe, Goran Rakiq./KosovaPress.

Top Channel