“Diddy ishte i dashuruar pas vetes”/ Rrëfehet ish-publicisti i yllit të muzikës: Donte të merrte vëmendje nga festat, kur të ‘shkelte’ syrin… 18/10 11:34
Një burrë në Britani ka ndërtuar një shtëpi vetëm me konteinerë të vjetër transporti me qëllim të kursente para.
E përditshmja TheSun shkruan se tani ai e jep atë me qera për njerëz që duan të jetojnë në një hapësirë unike, ndërsa ai kërkon të ndërtojë të tjera si ajo për të ndihmuar me krizën e strehimit, duke përfshirë dhe një vendbanim për të pastrehë.
Dash thotë se ndërtoi shtëpinë e tij tre-katëshe brenda katër viteve dhe rezultatet ishin impresionuese.
Duke folur në kanalin Tiny House Giant Journey, ai shpjegonte se shtëpia përbëhet nga pesë konteinerë, plus një strukturë e drunjtë që formon bazën dhe bodrumin e saj.
“Secili konteiner kushtoi $2,300 rreth 10 000 paundë në total),” tregon Dash duke shpjeguar se kursente para duke bërë shumicën e punës vetë.
Ai thotë se tashme mund ta shesë shtëpinë disa herë më shumë se ajo çka ka investuar në të.
Ai tregon se vetë shtëpia përbëhet nga katër konteinerë, ndërsa një i pestë është vendosur në drejtim vertikal ku janë vendosur shkallët e shtëpisë.
Kur erdhi puna për arredimin dhe bojën, ia vendosi t’i qëndronte besnik origjinës fshatare të tyre duke lënë dyshemetë e kompensatës dhe strukturat e hekurta.
Dhomat janë çuditërisht të mëdha teksa në disa raste ai ka rrëzuar ndarjet mes dy konteinerëve për të krijuar një pamje më të hapur.
Konteinerët janë të përkryer për motin me shi, thotë ai duke treguar dyert: “Ata kanë një strukturë solide dhe një izolim të përkryer kundër ujit. Kjo sepse ata mund të bien në oqean gjatë transportit dhe janë të izoluar shumë mirë për ujin”.
Megjithse ai ka mbajtur dyert origjinale të tyre, ka shtuar xham për t’iu përshtatur stilit modern.
Shtëpia ka kuzhinë, banjë të madhe dhe pamje të mrekullueshme.
Dash jep me qera dy katet e sipërme teksa jeton vetë në të parin për të shijuar shtëpinë që ka ndërtuar.
Top Channel
