Kush e përcakton se cili kandidat do të fitojë Shtëpinë e Bardhë? Fjalën e fundit e ka Kolegji Zgjedhor, si funksionon 04/11 22:57
Një gjykatë ruse ka refuzuar apelin e yllit të basketbollit amerikan, Brittney Griner, kundër dënimit të saj me nëntë vjet burg pas akuzave për drogë.
Gjykata pranë Moskës la në fuqi dënimin, ndërsa prokurori i shtetit e quajti atë të drejtë.
32-vjeçarja u dënua në gusht të këtij viti për kontrabandë dhe posedim vaj kanabisi.
Avokati i sportistes Aleksandër Bojkov tha se ekipi i tij shpresonte se një shkëmbim i të burgosurve do të ishte i mundur.
Në gusht, Kremlini parashtroi mundësinë e një shkëmbimi të të burgosurve midis SHBA-së dhe Rusisë, duke përfshirë basketbollisten.
Në një deklaratë këshilltari amerikan për Sigurinë Kombëtare, Jake Sullivan, deklaroi se Griner po “mbahej në arrest gabimisht në rrethana të patolerueshme” dhe se presidenti Joe Biden kishte bërë thirrje për lirimin e saj menjëherë.
Ylli i sportit foli në gjykatën e apelit të tre gjyqtarëve në distancë nga qendra e saj e paraburgimit në një qytet afër Moskës.
“Unë me të vërtetë shpresoj që gjykata ta rregullojë këtë dënim sepse ka qenë shumë stresues dhe shumë traumatik. Njerëzit me krime më të rënda kanë marrë më pak se sa më është dhënë mua”, ka thënë ajo në gjykatë.
E konsideruar si një nga lojtaret më të mira në botë, ajo u ndalua më 17 shkurt në një aeroport afër Moskës, kur në bagazhin e saj u gjetën shishe që përmbanin vaj kanabisi.
Ajo kishte ardhur në Rusi për të luajtur basketboll klubesh gjatë sezonit jashtë sezonit në SHBA.
Top Channel
