Lufta në Lindjen e Mesme, paralajmëron BE: Duhet të përgatitemi për ndërprerje të zgjatur të energjisë 31/03 10:36
Tabloidi britanik “The Sun” ka publikuar një artikull të ilustruar me foto, ku shkruante se Romelu Lukaku është parë duke pirë cigare elektronike, megjithatë përgjigja e belgut ka qenë e menjëhershme.
Nëpërmjet rrjeteve sociale, Lukaku ka deklaruar se nuk është ai personi në foto dhe se shumë shpejt avokatët e tij do të kontaktojnë gazetën, për t’u kërkuar dëmshpërblim për prishje të imazhit dhe publikim të informacioneve të pavërteta.
“Gazeta “The Sun”… Djema jeni duke luajtur me personin e gabuar. Vazhdoni ta bëni se shumë shpejt do t’ju kontaktojnë njerëzit e mi. Nuk jam unë personi në foto dhe për më tepër, keni shkruar informacione të pavërteta”, shkroi Lukaku.
Sulmuesi belg është duke u rikuperuar nga një dëmtim dhe mungon në fushë prej disa javësh, teksa nuk do të udhëtojë me skuadrën as në Firence për sfidën e të shtunës në mbrëmje dhe Inzaghi shpreson ta ketë në dispozicion për sfidën ndaj Victoria Plzen, ku do të vendoset edhe kualifikimi në Ligën e Kampionëve.
Top Channel
