Liberalizimi i vizave, Osmani takim me ambasadorët e Kroacisë, Bullgarisë, Çekisë e Hungarisë
18/10/2022 16:43
Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Presidentja Vjosa Osmani ka vazhduar takimet me ambasadorë të vendeve të ndryshme të BE-së, të akredituar në Kosovë lidhur me liberalizimin e vizave dhe anëtarësimin e Kosovës në Këshillin e Evropës.
Në takim me ambasadorët e Kroacisë, Bullgarisë, Çekisë dhe Hungarisë, presidentja Osmani i falënderoi diplomatët për mbështetjen e vazhdueshme që i kanë dhënë Kosovës në procesin e liberalizimit të vizave, përfshirë takimin e fundit të grupit teknik punues të Këshillit Evropian.
Osmani ka theksuar se është më rëndësi që kjo mbështetje të vazhdojë edhe më tej, në procesin e liberalizimit të vizave deri në hyrjen në fuqi të këtij vendimi.
Në këtë kontekst, Osmani tha se vendet anëtare të BE-së duhet ta marrin parasysh rekomandimin e Komisionit Evropian, i cili tashmë e ka konfirmuar se e mbështet heqjen e vizave, ngase Kosova i ka plotësuar të gjitha kriteret.
Sipas saj, vendimmarrja politike gjatë Presidencës Çeke është më se urgjente, ndaj liberalizimi i vizave nuk duhet të mbetet peng i aspekteve teknike.
Në të njëjtën linjë, Osmani kërkoi vazhdimin e mbështetjes ndaj Kosovës edhe në procesin e anëtarësimit në Këshill të Evropës, në të cilin mund të mbrohen, promovohen dhe avancohen të drejtat dhe liritë e njeriut.
Kosova është vendi i fundit në rajon që nuk e gëzon ende të drejtën e lëvizjes së lirë në vendet e Bashkimit Evropian ndonëse ka përmbushur të gjitha kriteret e kërkuara./KosovaPress
Top Channel
