Biden i lejon Ukrainës të përdorë armët me rreze të gjata, ministrja e Jashtme gjermane: Vendim i rëndësishëm 18/11 11:42
Presidenti ukrainas Volodymyr Zelensky është shprehur ditën e sotme se vendi i tij ka vetëm një të dhjetën e asaj që i nevojitet për të ndërtuar një sistem të suksesshëm të mbrojtjes ajrore, ndërsa ai u lut për më shumë mbështetje nga liderët evropianë.
Duke folur në Asamblenë Parlamentare të Këshillit të Evropës, Zelensky tha se aftësitë e mbrojtjes ajrore të Ukrainës “nuk janë të mjaftueshme për ne”.
Komentet e tij vijnë pasi aleatët e udhëhequr nga NATO të Ukrainës njoftuan dërgesat e armëve të avancuara të mbrojtjes ajrore në Kiev, pas një breshëri sulmesh raketore ruse.
Armatimi i premtuar nga Britania e Madhe, Kanadaja, Franca dhe Holanda përfshin raketa dhe radarë. Shtetet e Bashkuara kanë bërë më parë një premtim të ngjashëm. Një sistem i teknologjisë së lartë nga Gjermania është tashmë në Ukrainë.
“Gjermania na e ka dhënë këtë mundësi tani… sistemi i parë tashmë është dorëzuar, Shtetet e Bashkuara kanë konfirmuar mbështetjen e tyre me sistemet e reja të mbrojtjes ajrore NASAM (sistemet raketore tokë-ajër). Ne do të donim shumë që mbështetja të ishte shumë më e lartë. Presim hapa të fuqishëm nga Franca dhe Italia ku mund të na ndihmojnë gjithashtu.”- u shpreh Zelensky.
Top Channel
