Muaji i sensibilizimit për kancerin e gjirit, mjeku tregon për rastet: Sot shifrat po trefishohen

05/10/2022 18:03

Muaji tetor është muaji i ndërgjegjësimit për kancerin e gjirit, i cili po përhapet çdo ditë e më shumë, kjo situatë u diskutua edhe në studion e “Ftesë në 5”.

Përgjegjësi i departamentit të sëmundjeve kronike në ISHP, Alban Ylli tregoi se gjatë gjithë jetës ekziston risku për tu prekur nga kjo sëmundje.

Së fundmi statistikat treguan se 1 në 8 gra humbin jetën nga kanceri i gjirit, ndërsa Ylli tha se risku është i lartë.

“Gjatë gjithë jetës sonë do të kishim rrisk. Rrisku për të vdekur është 100 përqind, gjatë gjithë jetës sonë ne do të kemi një rrisk të tillë”, u shpreh mjeku.

Ai tregoi se nëse bëhen kontrolle më të shpeshta dhe sëmundja kapet në fazat e para, atëhere mjekimet do të kenë më shumë shance për të funksionuar.

Mjeku tregoi gjithashtu se rastet me kancer janë trefishuar, ndërsa numri i vdekjeve mbetet i lartë.

“Ne kemi pasur para 20 vitesh 300 raste në vit. Sot shifrat po trefishohen, ndërsa vdekjet po dyfishohen”, u shpreh Alban Ylli.

Top Channel